CLICK HERE FOR BLOGGER TEMPLATES AND MYSPACE LAYOUTS »

الجمعة، 9 أكتوبر، 2009

فنجان قهوة




جلست صباحا علي القهوة

أمام البحر أتامل هذا المكان أتامل تحركات الأمواج المعتادة

تحرك السحاب وتشكل هيئات مختلفه له فقد وجدت في السماء أسد يترقب فريستة

أرتشفت بضعة رشفات وأخذت أتذكر بعض الذكريات حاولت أن أتذكر من احببت في يوما ما وما كان بيننا من ذكريات


ولكني لم أجد لة ذكري كأنة لم يمر بحياتي تعجبت كثيرا وتسألت هل أنا لم أحبة من الاصل حتي لا أتذكرة ام ان جرحة لي كان أعمق من أن يترك لي اي ذكري

ولكني لا أتذكر اي شيئا غير أسمة وأراة طيفا امامي أو كانة حلما قد صحوت منة ولا أتذكرة

جاء النادل ليسألني اذا كنت اريد شيئا أخر فطلبت منة كوبا من الماء

وفنجان أخر من القهوة

أخرجت القلم والورقة وحاولت أن أكتب أشعاراا مثلما كنت افعل في الماضي لقد تخشب القلم مكانة وتيبست الافكار وتجمدت يدي

إن الأفكار تهرب مني

أم أن عقلي اصبح فارغااا من الكلام

هل نسيت ايضا الكتابة هل أصابني فقدان الذاكرة

وأمسك بكوب الماء وأحاول ان التقط أنفاسي وتتساقط قطرات الماء وانا أرتشف منها علي الورقة حتي يظن الرائي انها قطرات دموع مواساة لي في صدمتي

رجعت أرتشف القهوة وأتامل ورقة تتهاوي من أحد الشرفات لتسقط وتصطدم علي الارض ويأخذها الريح هنا وهناك ولا تثبت في مكان وتخيلت نفسي أنني ليس لي ذكري ثابتة اتذكرها وأحكيها الي غيري

لقد أصبحت فارغه

اصبحت هاوية من اللا شيء لا أعلم ماهي الخطوات الاتية

ثم طرحت سؤالا من اناااا

أخذت أتنهد وأحاول ان أصرخ باااة مكتومة بين حنايا الأعماق

كسمكة في أعماق البحار لا تري سطحا ولا يصلها ضوء

وفجأة تذكرت

تذكرت ان قلبي مازال ينزف أثر الجرح تذكرت حينما خانني تذكرت حينما وجعت أول مرة وعندما قررت ان لا أحبة وان اخرجة من حياتي ولم يمر اشهر معدودة واصبحت ناسية لة وايقنت انني اخطات إني لم أطيل مدة حبسي في الأحزان لان.....قلبي مازال مجروحاااا

لم يكن يتوجب عليا أن افتحه مرة اخري فقد أصبح طريقا ذو أتجاة أوحد يدخلة مشاة بلا عودة

فأصاب بجروحا متتالية

أخذت القلم وكتبت في منتصف الورقه إني أتالم وتتالت النقاط ووضعت القلم علي المنضدةة تنهدت ثانيا وتركتهما وسيرت في دربي المجهول....




مين ياخد قلبي المليان ويديني قلبي الفاضي

مين ياخد عمري القلقان ويديني عمري الماضي

ماشي بدون قدم مسنود علي العدم

اضحك في الضحكة شوكة بتضحك من الالم

الم يطول اصرخ اقول

مين ياخد قلبي المليان ويديني قلبي الفاضي

مين ياخد عمري القلقان ويديني عمري الماضي


22 التعليقات:

شاب فقرى يقول...

النسيان أعظم نعم الله على الإنسان

انا لما قعدت قدام البحر دار فى دماغى كل اللى قلتيه دا

وشفت برده قزازرة صغيرة كدا بيحدفها الموج رايح جاى

تخيلت نفسى مكانها

حسيت بالتشوش والالم

مكانش فى غير انى انام

ونمت

تحياتى

شاب فقرى

إسكندرانية يقول...

سعيدة بانك اصبحت متابع لي

الزجاجة الفارغة
اظنها رسالة من شخص اخر علي شط بعيد
ارسلها لنا ليقول انا ايضا فارغا مثلها
اصبح حالنا الان...

تشويش
فراغ
الم
حزن

ولا نملك سوي الكلمات

دمت سعيدا

آه وكفى يقول...

حتى الحزن والجرح بيكون برضو له فايدة لما بنفتكرو صدقيني بنحس اد ايه كنا طيبين ولازم بعدها نحكم عقلنا واهو محدش بيتعلم ببلاش

عجبتني اوي دي
قطرات دموع مواساة لي في صدمتي

إسكندرانية يقول...

اة وكفي

ماهو لما بنفتكر الحزن والالم والوجع بنرجع نقبل تاني علي قلبنا


بنبني اسوار

بنتخفي بين الناس

وبنفضل الاختفاء

دمتي سعيدة

thunder يقول...

يا جامد ياجامد بجد اختلاف كبير اوى
اوى
اوى
شكل البحر لعب دور معاك ياابوعمو ولا اية
وفنجان القهوةعند كوبرى استانلى ايووووووووووه يامرسى بركاتك ياعم انحناءة على القصة دى لكن بين السطور حسة عاوز يقول احنا اية بيبن زكريتنا وهنبقى اية بكرة وبلاش نتمسك بثقافة بالية وخوف قانع فى النفوس

thunder يقول...

اللى هو عندك جرح وزكرى من وصارع بين قلب وعقل

mohamed ghalia يقول...

الى يبيعك بيعه ياقلبى وأوعى فى يوم تهواه
احساسك وانتى بتكتبى البوست عالى أوى
ربنا يكرمك ويسعدك دايما

Saso يقول...

تحياتى بجد
متبعاكى من اول بوست بتكتبى باحساس رائع
تعرفى كتير حاجات بتابعها والاقيها بتتكلم عنى ونفسى اعرف اوصل احساسى بالشكل الرائع دا بس موش بعرف
انا بقعد على البحر عشان انسى نفسى واحس احساس الفراغ دا بجد من غير تفكير
اصل صعب اوى انك تحس انك فاضى وموش فاضى
مين ياخد قلبى المليان ويدينى قلبى الفاضى
الاتنين معايا وعاوزه اخلص منهم مره واحده
تحياتى مره تانيه

رضوى يقول...

انا من عشان اسكندرية لانها بلدي اللي اتربيت فيها وانا بحيكي علي كلامك الجميل وتقبلو مروري

سمكه واحده يقول...

ايه الجمال ده يا اسكندرنيه بس
ايون ايون هما دول بتوع اسكندريه
خليتي الواحد يتخيل مكانك وقعدتك وكل حاجه حتي صوت الهوي والبحر من حوليكي وافكارك والسكون وانتي بتفتكري او بتحولي تفتكري حجات خلاص بقت في النسيان
تصويرك تحفه واسلوبك رائع
والبوست اللي قبله تحفه تحفه تحفه
صورتي اسكندريه وشرحتيها بطريقه جديده وجميله
مين ياخد عمري القلقان ويديني عمري الماضي
مين مين مين؟ بس
تحياتي
تسلم ايدك

معتز شاهين - باحث تربوي يقول...

البحر كائن غريب
بقعد قدامه بنسى كل حاجة وبنسى نفسي

تحياتي على تلك المدونة الرائعة

ويبقى التواصل

Eno يقول...

اسعدني اني اكون واحده من الناس اللي يعرفو المدونه دي واكيد صحبة المدونه طبعا

حقيقي كلماتك اكتر من رائع تلسم ايدك
هكون اول المتابعين طبعا لو تسمحيلي :)

دمتي بكل خير :)

فكرة من الزمن ده يقول...

اسلوبك جميل لكن هرابة روحتي ومارجعتي
وشكلك كمان كسولةسنة ببوستين بس؟
خسارة
كل اللي عندك في اجندتك هاتيه هنا عايزة اقراه
عايزة كل لما اجي الاقي بوست جديد

adel يقول...

الاسلوب حلو قوي علي فكرة
والمدونة عاجباني

استمري

ملاحظتي الوحيدة ان الكلام ساعات حسيته تقليدي بس ده ممكن تكون رخامة مني او عدم استيعاب

جمهورية شومبونجو العربية يقول...

السلام عليكم

دى اول زيارة ليا هنا
واكيد مش هتكون الاخيرة

معلش جيت متأخر

المدونة بتعاتك عجبتنى قوى
وكلامك معبر وبسيط
وبجد انا بعشق اسكندرية
بكل مافيها
لان انا اسكندرانى وابن البلد دى

بجد اسعدنى وجودى هنا
واستمرى وديماّّ فى تألق
..........
تحياتى

رئيس الجمهورية

جمهورية شومبونجو العربية يقول...
أزال المؤلف هذا التعليق.
mimi يقول...

الكلام خدني بعيد لشط وبحر ورملة صفرا وفنجان قهوة سكر زيادة ..

سرحت ... افتكرت ... كل اللي فات

بجد هايلة كتابتك أحييكي عليها

mimi يقول...
أزال أحد مشرفي المدونة هذا التعليق.
اسماء واحلام فى وجدانى يقول...

الكلام ده اسكندرانى 100% وكمان فكرة هنا الله الله كده بقى ناقص حروف تيجى ويكمل المربع السكندرى
اول زيارة ليا ومش هتكون الاخيرة حلو اوى التجمع السكندرى ده والله

Hannoda يقول...

تلقائيا من قوة الجرح بيقوم القلب عامل حاجة غريبة قوي
بيطفي النور عن أي ذكريات تخص اللي حبيناه

يغرقها في ظلام كاحل
فتختفي من قدام عيونا و تختفي عن عيون القلب كمان

بس بيبقى الوجع
ونفضل حاسين اننا موجوعين
ومش عارفين ليه موجوعين طالما نسينا

و الوجع سره هي الذكرى الباقية فقلوبنا رغم اننا مابقيناش قادرين نشوفها

وببساطة ده طبيعي اننا نتألم
لانالذكرى باقية فقلوبنا اللي خدعتنا بمجرد اطفاء الضوء عن الذكرى بدلا من محوها

بس هادئ جدا مليان حزن

حسته هدوء اللي مهدود حيله من كتر حزنه و أكتر حاجة دلت على المعنى ده هو تتالي النقاط بعد كلمة أتالم التي كتبت في منتصف الورقة

Hannoda يقول...

الكلمة كوبري صلب فوق بحر العباب

Timo.. يقول...

"مين ياخد قلبي المليان ويديني قلبي الفاضي
مين ياخد عمري القلقان ويديني عمري الماضي"

ايه الكلام الجامد قوووي ده..وجعتي قلبي بجد.
معلش..كلاسيكي وباحب ارد على البوستات القديمة ;)