شوية حاجات لما تشوفها تقول اسكندرية
التروماي الاصفر من الانفوشي لمحطة الرمل من المنشية لمحرم بك
من باب 13 للقباري
تروماي الازرق ابو دورين
التاكسي الاصفر في اسود
القلعه كوم دكة وشقافه ..محرم بك ..بحري.. المكس..ابوقير...محطة الرمل وسينمات والفشار....كرموز
شوية علامات بتفرق اسكندرية عن محافظات بحري زي فريسكا "الايس كريم"
ضم الحروف في الكلام ولفظ مشروع اللي اطلقوة علي الميكروباص
خفة الدم والفهلوة وشطارة وجدعنه وأجمل بنات تلاقيهم في اسكندرية
واقروا الفاتحة لا ابو العباس
والرقص بزي الصيادين وافراح ليها طعم تاني
سوق الجمعه ..حارة اليهود...حواري البطارية من اكتر الاماكن مشهور بانها قديمة وذات حكاوي مثيرةة تثير الخوف في النفس حين سماعها ولكني اعتقد بانها اقاويل خرافيه مثل حكاوي ريا وسكينة عند قسم اللبان في مينا البصل مازالت منطقة هناك توحي برعب من هذة القصص القديمة
من بعد قصر الثقافة تبدا تشوف الانفوشي ومن بعدها راس التين وموقف المشاريع وقصر راس التين ومدارس البنات الثانوي
السبع بنات مستشفي ليها اسم رنان وهناك قهوة مشهورة هناك لاهل اسوان وذوي البشرة سمراء فهي شهيرة جدا وكذللك لمن يرتادون البحر ويعملون علي مراكب
مستشفي اسماعيل.... مستشفي الشاطبي.. مستشفي الملكة نظلي ... الاوقاف
مستشفيات قديمة جدا وتجد بها زوار كثر لقلة التذكرة وقلة الخدمة ولكن الادوية مجانية وقد تجد هناك بعض الاطباء ذوي الضمير
ابو العباس..ويقوت ..وابراهيم .........هذة اشهر مساجد الاسكندرية وقد زاد عليهم مسجد المواساة
يامركبى شد القلوع...
يا مراكبي مافيش رجوع يا مراكبي
ياليل من غير حبيب.......
ياليل امرك عجيب.........
الورد كان في كل مكان طارح مطارح لحبي.
12 التعليقات:
تعليق تجريبي
مبروك دخولك لعالم التدوين
وفعلا انا بعشق اسكندرية ولازم كل فترة اروح اقعد هناك مدة عشان تريح الاعصاب
انا اعتبر دلوقتى اول تعليق فى المدونة :)
ربنا يوفقك فى عالم التدوين
وهبقى احكى لحضرتك عن الامتحان والشهادة اللى بدرسها
التعليق الجاى بقى
شاب فقرى
ايوه اية دا انا حسيتنى نزلت اسكندرية
وقعد مع الولا حمو على البحر وموجه عالية وناس ياجدعان بتبلبط فى ماية ايووووووه
والمرسى تحفة حتى فى التفكير فيها
وعيال بلعبوا على الجيتار فى القلعة
وناس وعالم خواجات وبيوت قديمة
وكوم شقافة بجد بنحبوها اوى
ياريتك بقى ياابو عموا تنزل صور لكل حته فيها حتى الحلقة وحشانى اوى
الله على اسكندرية وجمالها
وانتى بجد ابدعتى فى وصفها
ربنا يسعدك دايما
ياجامد انته ياجامد وسمعني التت وسوق بينا يااسطه على الكورنيش ناكل ذره ونشرب مانجه هع هع هع
حبيبة قلبي اسكندرية بالترام المميز الاصفراوي بتاعها
تحياتي ليكي يا احلى مياسة
عارفة فكرتيني بايه بجدة امي كانت ايام ريا وسكينة وكانت على قلبها كم دهب يشتري الترام الاصفر وساكنة قريب منهم ليه مخطفوهاش معرفش تقريبا مقدروش عليها وعلى فكرة السبع بنات دي في منها عندنا في مصر بس فين مش قادرة اتذكر هى في وسط البلد يعني :))
شاب فقري
الله يبارك فيك
قريت تعليقك عن شادة ربنا معاك
اسكندرية انها عشق الاول
دمت سعيدا
thunder
اظاهر انك اسكندراني متخفي
سعدت بتعليقك
لاحظت لهجتك الاسكندراني اكيد معاك الجنسية بتاعتنا
"وش مبتسم"
دمت سعيدا
محمد غالي
نورتني بزياراتك
اسكندرية لا احد يستطيع ان يصفها حق الوصف
فهي روحا اكثر من ان تكون مدينة
روحا تضفيه علي كل من فيها حتي لو كان زائرا
دمت سعيدا
اة وكفي
انتي ليكي اصول اسكندرانية بقا
اعشق كل ماهو سكندري
نورتيني بزيارتك واسعدني ان البوست لاقي اعجابك
دمتي سعيدة
يامراحب باسكنكرية و اللي منها
والله بحبها موووووووووووووت
وكنت لسه فيها و كنت بسال اني اعيش هناك كمان :):)
ايه ده بقة...؟؟
من اول بوست كده على على طول..؟
بوست جاامد بجد خليتيني ابعته لصديقة مسافرة خارج البلاد وعندها احساس بالوحدة قولت ابعت لها وصفك عشان مفيش احسن من كده يخليها تعيش لحظة حلوة لانها من محرم بك وعايشة وسط كل اللي بتقولي عليه ديما
بجد...باشكر وصفك
إرسال تعليق